;
نادر انور جابر الشهير بـ ” ابو الليف” , مغنى مصرى, اتولد فى سنة 1968 فى اسكندريه , اتخرج من معهد الكونسرفتوار و هناك درس مزيكا و كان بيعزف كمنجه. اتشهر جامد و اعتبروه ظاهرة بعد ما نزلت اغنية “كينج كونج” على النت و خصوصا على سايتات زى اليوتيوب و الفيسبوك, و بعدين نزل البومه بنفس الاسم “كينج كونج” و فيه 10 اغانى متنوعه. ابو الليف بيتصنف على انه مغنى مونلوج وفيه ناس بتعتبره رجع فن المونلوج فى الاغنيه اللى يعتبر اختفى من مصر من زمان, اغانيه بيبقى فيها نقد ساخر لحال المجتمع فى مصر, فيه ناس بيقولوا ان صوته حلو و حرام انه يفضل يغنى اغانى , البعض بيعتبرها سخيفة او يقول الفاظ زى “خرونج” فى اغانيه, بس فيه ناس و منهم الشاعر ايمن بهجت قمر , بيقول ان دى اللالفاظ بتتقال فى الشارع و مفيهاش مشكله.