كلمات اغنية البكا بكا - كايروكي 2015
في البكا بكا بكا بكا بكا بكابورت
صبرت كثير وعمري ما نلت
عايش في القاع وجالي صداع
عايش في القاع وجالي صداع
وكل يوم تزيد الأوجاع في البكا بكابورت
نصبوا علينا في حياتنا
ولخصوا كل حكاياتنا
أنا كنت شاب جميل وكيوت
لحد ما خذت أنا بالشلوت
من يومها على أمري مغلوب
في دنيا ماشية بالشقلوب
تلوث بصري وسمعي
مش قادر أداري يا ناس دمعي
ده العمر بيجري وما بيرحمش
سنين بتعدي ما تتعوضش
أنا ترسي في مكنة مش بتدور
من صغري وأنا مستني الدور
في البكا بكا بكا بكا بكا بكابورت
صبرت كثير وعمري ما نلت
عايش في القاع وجالي صداع
عايش في القاع وجالي صداع
وكل يوم تزيد الأوجاع في البكا بكابورت
كل يوم أنا بفرهد
وفي أبسط حاجة بتمرمط
الدنيا يا ناس مش سالكة
وحياتي عبارة عن عركة
مش عارف أخذ أنا ساتر
ولا عارف أخلع وأهاجر
إشارتنا دايماً حمرا
وكل حاجة مؤامرة
خذت الشهادة يا عزيزي
وحطتها في أرابيزي
وإنت عارف أنا أقصد إيه
ما هو إنت كمان حطيتها يا بيه
في البكا بكا بكا بكا بكا بكابورت
صبرت كثير وعمري ما نولت
عايش في القاع وجالي صداع
عايش في القاع وجالي صداع
(وكل يوم تزيد الأوجاع (في البكا بكابورت
أحلامي حلوة يا ناس للكل
نعيش أنا وإنت زي الفل
أحلامي دايما منبوذة
في وسط عقول عجوزة
كان ذنبي إيه أشيل الهم
وغلطتي إني حاولت احلم
محبوس أنا جوه البكابورت
إتكلمت وقلت وثورت
حاولت أطلع فوق وأجرب
خذت الصابونة قبل ما أقرب
تهت خلاص وإتسوحت
اللي فوق عايزينك تحت
في البكا بكا بكا بكا بكا بكابورت
صبرت كثير وعمري ما نلت
عايش في القاع وجالي صداع
عايش في القاع وجالي صداع
وكل يوم تزيد الأوجاع في البكا بكابورت
