كلمات اغنيه حكاية واحدة - دنيا سمير غانم 2017
إنت بجد، طب إيه اللي يثبت لك إن أنا بجد، الحضن
دنيا أنا بحبك، بحبك وإنت بتعاندني يا حمار
هو احنا ما تقابلناش قبل كده، ما أظنش
بنتقابل وتيجي عيونا في عيون بعض
ونتكلم نلاقي إن إحنا نشبه بعض
نحس بحاجة مش فاهمين تفاصيلها
وأجمل لحظة في الحدوثة أولها
وبعد شوية نتجرأ ونعملها
ونفتح يوم قلوبنا لبعض
كلنا عاوزين نحب كلنا نقدر نحب
بس لازم نبقى عارفين حاجة مهمة جدا
إن ثمن الحب ده هيتقسط على كل دقيقة في عمرنا
عاوزة تعرفي إيه أكثر من إن أنا مجنون بك
أنا بحبك على فكرة، إحنا ما تقابلناش صدفة
لأ مفيش حاجة اسمها صدفة كل حاجة بتحصل بسبب أنا مؤمنة بكده
ونتصارح وإحساسنا بيقلب حب
وفي ثواني نعيش اثنين بنفس القلب
نعيش في حكاية أحلى من ما نتصور
ويبدأ حبنا يكبر ويتطور
وبعد شوية إحساسنا بيتغير
وفجأة السهل بيكون صعب
إنت حاسستني فجأة إن أنا قليلة أوي في عينيك
أنا بس مش عايز حبك ليّ يبقى عبئ عليك
إنت شايف إن ممكن أستحمل لحد فين
هو ده الوجع اللي بيدي الخوف
الخوف عندنا إننا حنا بنحب بعض أوي
عشان كده لازم نطلع عين بعض شوية
ونتخانق وكل حقيقة بتبان
ونتعاتب عتاب مالوش لا لون ولا طعم
تاخذنا الدنيا من أشواقنا لجروحنا
ونبعد حبة تخرج روحنا من روحنا
نحس ساعتها إن البعد ريحنا، ونتعود ولا نهتم
قلوبنا في الهوى نصيبها، حكاية واحدة متشابهة
لكن نهايتها مختلفة، وأصل الحب ده رحلة
وبيه دنيتنا دي تحلى، قدرنا أصله مش صدفة
الحب الكامل ولو لمدة دقيقة واحدة
هو اللي بيحسسنا في لحظة النهاية
إن قد إيه كانت الحياة حلوة، حلوة بجد
