كلمات قصيدة الشتا - عمرو حسن 2017
القهوه
من كتر الكتابه عنها .. باخت
فيه حاجات زياده مدحها .. لعنه
يا رب هبنا قهوه تشبه حزننا
و ادينا شخص اصم .. يسمعنا
و ادينا قلب نروحلو .. مايخونناش
و ادينا حضن نبوحله .. فايساعنا
صدرك .. شوارع ذكرايات تايهين
و الحزن شاعر له هدوئه و حكمته
سألو الكمان يا هل تري بتحب مين .. ؟
داق المكان مافضلش غيرها في رنته
اتنين في حرب و خرجو الاتنين مقتولين
فحضنها
هربت منه
رجعت حضنته
مين اللي سلم للشتا المفتاح ..؟
طعم الحاجات الدافيه في الليل و المطر
ذهدك في كل الهربانين من جنتك
بنت كانت حبتك يا عبيط
حبيتها ليه ساعت ماكانت كرهتك
و ازاي بتعمل من سجايرك بالونات
و تسيبها تطلع للسما دخان
...
بنت مشيت و انت مُتّ عشان
دخنت نفسك في الصحاب سرطان
و عطشت من شرب السما في البحر و البحر من كتر الغرق عطشان
فبلاش تفكر كل ماء يرويك
اياك تفكر كل حضن شاريك
فكرت يوميا في كل الناس
و نسيت تفكر في اللي فكر فيك
...
في الليل مساحه اسمها الارشيف
كل الشوارع و الصور و الذكريات
كل الحاجات بتتطل من ذكري الحاجات
بالليل و كل المرتاحين نايمين
هاتمر جنبك لحظه
تسوي ساعات
..
انا كتفي ممكن تلمسه يشوك
غياب
انا قلبي ممكن تعصره ينزل بنات
لكن
لسوء الحظ او حسنه
مابقيتش عارف انسي دي بالذات
كإنها
كوردات عمر خير
ريحه الشوارع وقت فجريه
كل البنات هيه و هيه البنات كلهم و انت اللي بتروحلهم مابيطلعوش هيه
طب إيه
طب إيه يا عم الشتا
تحت هيني اتهري من كتر ما حنيت
فكرت فيها ضحكت
ضحكت فجأه بكيت
ليه الشوارع كلهم قاصدين
يفكروني باللي مش فاضلين
..
و القهوه كرسي الاعتراف بالذنب
تشرب تقول كل اللي سابك مين
ليه الشتا و البحر
اتنين صحاب انتيم ..؟
طب ليه في كل البلكونات حكايات
فتحت عيني
جدي غمض مات
و كبرت
بيتنا لم عفشه و هج
والدي ماحجش
بس شوفته يا حج
و إيديه في خدي ختم نسر كبير
امي اللي شيلت في حضنها جناحات
و بقيت في طيبة كل حضن باطير
و اصحابي دفتر
خدت صفحه في مطلعه
منهم تلاته
توأمين و ضمير
...
شكرآ
لأن الشتا عرانا مافضحناش
شكرآ لإن الذكريات ماماتتش
اكبر دليل عندك انا
انا لسه اهوه
مانسيتش
شكرآ
لبلِّة طين في ديل التوب
شكرآ لمطره تبلنا ننشف
تعرف يا عم الشتا
ولا بلاش تعرف
في مثل هذا الوقت في كل عام بيفوت
بحيا و اموت مرات
في كل ماحيا باموت
و عملت منك ذكريات و حنين
القهوه ساده .. و وشها مظبوط
و عملت عالم من خيال الوان
و عملت صوره بألف حس و صوت
و فتحت صدري للغياب شبابيك
دخل الحمام عشش و صارله بيوت
لا البنت راجعه ولا الكلام يكفيك
ولا ضحك باكي ولا العياط يلهيك
