• عدد المشاهدات : 84272
  • عدد التحميلات : 14627
  • عدد الاستماع : 25250

موال الام (لما جيت اكتب امى) - البوم اغاني محمود الليثي - محمود الليثي

0:00
0:00

اغنية موال الام (لما جيت اكتب امى) فرح شعبى
—————————–
لما جيت اكتب عن امي
قولت عنها شايله همي
قولت دي بتجري فـ دمي
قولت عنها كلام كتير مش جديدة
لما جيت اكتب عن امي
عجزة قدامي القصيدة
شايله سري
كان زمان بيني وبينها حبل صري
انقطع يوم الولادة
واتوصل حبل الواداد
حب ميعرفش عادة
حبها اصلا عبادة
فـ التعب كانت بتسأل
جيه مؤنث جيه مذكر
جيه بيضحك جيه مكشر
جيه على الدنيا بسلامة
وقتها مكنتش بفكر
كنت ببكي وكانت بتحضن بابتسامة
وقتها مكنتش بفكر
ده الضنا جيه مـ الضنى
لما جيت اكتب عن امي لاقتني بكتب عني انا
لما جيت اكتب عن امي عجزة قدامي الحروف
قام ال (أ) زعق وقف
قالي ما تسمع يا ولد
اسمها مشترك ف اسم من لا شريك له
واول الاسم الـ(أ) واول الام الـ(أ) ودي مش صدف
ربك بيخلق مـ العدم خلق الألم وهنا علي وهن
شالتني لحد ما بلغت الحلم
وياما بتدلع عليها وياما بتمنع عليها
وياما حوطتني بجنحها وياما دمعت ف عنيها
ومن ايديا تاتا تاتا ورجلي داست ع البلاطة
داس عليها عجل زمنها وكانت تجيبلي الشوكلاتة
ولما كانت بتعب كانت تطبطب كانت تجيبلي الشوكلاتة
كبرت فجأة
لاقتني بزهق من كلمها عن السجاير
عن العيال اللي مصحبهم
عن الدراسة
خش ذاكر
اجي اتدلع تقولي ده انت راجل
ده اللي قدك دخلوا دنيا
بص يا ابني دي السنين زي الكلونيا
تحطها بتطير بسرعة
متلاقيش لهواها ريحة
السنين بجحة وصريحة
امي مبتعرفش تجرح بس ياما باتت جريحة
لما جت وقفت قصادي
قلتلي انت امتدادي
انت نور عيني اللي شبهي
انت دونان عن ولادي
وقتها انا كنت غاوي للغناوي
كنت اسيبها قاعدة وانزل اترمي ف حضن القهاوي
هاتلى شاى هاتلى شيشيه
هاتلي نار علي فحم شيشية
هاتلي طولة
امي دي فكراني طيشة
لا ده انا راجل
بصي بشنبي
بصي دقني
واما جالي الحزن دقني
والزمان خد مني خانة
الدوا اللي عندي امي
ملقتوش ف الاجزخانة

تعليقات الفيسبوك

باقي اغاني البوم اغاني محمود الليثي

جميع الحقوق محفوظة لاصحابها والموقع غير مسئول عن انتهاك الحقوق الملكيه الفكريه .. اذا كنت صاحب العمل الفني واردت الابلاغ عن سرقة حقوق ملكيته للتاليف والنشر يسعدنا استقبال البلاغ علي الرابط .. وعند الحصول علي ما يثبت حقوق ملكيتك سيتم حذف العمل فورا ونضمن لك عدم اضافته علي موقعنا مرة اخري .. ابلاغ عن رابط