كلمات اغنية اه لو لعبت يا زهر - احمد شيبه 2016

اللى لوه قرش ما بينامش ما بالك بقى باللى عليه
ملعون ابوك يا فقر حاوجنى للاندال
ذليت عزيز النفس عشان عديم المال
ملعون ابوكى يا عوزة ذلت السؤال قتال
اه لو لعبت يا زهر و اتبدلت الاحوال
ركبت اول موجه فى سكه الاموال
اروح لاول واحد احتاجتله فى سؤال
كسر بخاطري ساعتها و دوقني ضيقه الحال
اعمل معاه الصح انا واسنده لو مال
واقف جنبه فى المحن و اكون طويل البال
اه لو لعبت يا زهر واتبدلت الاحوال
وركبت اول موجه فى سكه الاموال
واكون طويل البال و اعرفه ان الفلوس الفلوس ما بتعملش رجال
الحوجه مره الحوجه مره وياما بهدلت ابطال
بس خلاص انا نفسى اتسدت بعد ما ايدى للواطى اتمدت
كنت عامل خدى مداس بحب الخير لكل الناس
لقيت علي التراب بنداس ناس تخونى وناس تبيعنى
الدنيا كانت ولا فارقه ماشلتش انا قرش فى زنقه
كل اما اتمنى حاجه تضيع حد ليه احزان اسابيع
زهقت من كتر الترقيع ومش لاقيلي بر انسى
عشت الحياه بكل سزاجه ماطلعتش من الدنيا بحاجه
وهما مين واخد حاجه ما كله هيسيبها ويمشي
اه لو لعبت يا زهر واتبدلت الاحوال وركبت اول موجه فى سكه الاموال