كلمات اغنية محمد عبد المنعم - بتعاير 2015

من يوم ما جيت الدنيا وانا مكسورة عيني
وبقول يا أرض اتشقي احسن وابلعيني
ملقيتش حضن يساعني ارمي همومي فيه
من يومي كاره دنيتي وكاره سنيني

عايش في الحياة بتهان اسماً بس انا انسان
ومهما اتداري واتغطى عيون الخلق بتعريني

وبتعاير على ذنبي اللي ماعملتوش
بتعاير على اسمي اللي ما اختارتوش
وبتهان ياما وأتوجع وبتقطم وبتقطع
من اللي بيسووا ومايسووش

بتعاير وبتسوى على الجنبين
بتعاير ومش عارف انا اطلع مين
محدش عمره فرحني كلام الناس بيدبحني
وعيونهم بقت سكاكين

قبل ما اعلم رجلي تخطي كنت بعلم راسي توطي
واخد بدل الكف اتنين وارضى بذلي وبمرمطتي
كل الناس شايفيني بعينهم اني اقل واصغر منهم
عايش طول الوقت ما بينهم متداري في جلدي ومتغطي

وبتعاير على ذنبي اللي ماعملتوش
بتعاير على اسمي اللي ما اختارتوش
وبتهان ياما وأتوجع وبتقطم وبتقطع
من اللي بيسوا ومابيسووش

بتعاير وبتسوى على الجنبين
بتعاير ومش عارف انا اطلع مين
محدش عمره فرحني كلام الناس بيدبحني
وعيونهم بقت سكاكين