كلمات اغنية بداية بدايتك - امال ماهر 2019
أنا بداية بدايتك أنا بقية حكايتك
أنا العمر اللي جايلك وأنا العمر اللي فايتك
مين يجي ياخد مكاني وانت لمين غير عشاني
ده أنا كتير من حناني سيبتك تاخد كفايتك
أنا حب سنين كتيرة يا حبيبي وانت عارف
أنا الأولي والأخيرة مش معرفة من المعارف
أنا اللي جوايا ليك بدل الشوق ألف شوق
وأنا الطيبة اللي مش هتلاقي من بعديها طيبة
ولوحدي أنا اللي ليا فيك كل الحقوق
ما أنا شريكة حياتك والصاحبة وكمان الحبيبة
أنا وبس الوحيدة والمعلومة الأكيدة
أنا القصص القديمة وأنا القصص الجديدة
أنا كلامك سكاتك أنا حروف أغنياتك
ومن يومي في حياتك أنا الجملة المفيدة