كلمات اغنية تتر مسلسل تغيير جو - أمير عيد 2023

أنا بجري مني وبجري ورايا
أنا بجري من حاجات قديمة جوايا
بجري ومش شايف بكرة عيني في قفايا
اللي فات عمره ما مات
إحنا بس اللي بنموت

أنا بجري والسنين بتجري معايا
أنا بجري والحنين عايش جوايا
وأنا بيني وبيني مسافات اتنين عن بعض أغراب
أنا برسم متاهات تبعدني عن أي نهاية
والقلب خواف مع كل خطوة دايما في حيرة
والعقل شواف يفيد بإيه البصر من دون أي بصيرة

بجري من حكاية وقصة كدابة
بقرأ بين السطور يمكن ألاقي إجابة
الدنيا مدى فوق والمعاني مخفية

أنا مش بصدق في الكلام بصدق في النية
أنا بجري ورا طموحي بجري ورا أحلامي
أنا بجري مش بتقدم أتاريني واقف في مكاني
بجري ورا إحساس مش شايفاه العين
ماصدقش في الحساب 1 + 1
مش شرط يبقوا 2

والقلب خواف مع كل خطوة دايما في حيرة
والعقل شواف يفيد بإيه البصر من دون أي بصيرة
لو المكان مش مكاني الدنيا واسعة ولسه فيها
فيها حب فيها أماني

اللي بيدور على نفسه بيلاقيها
لو بقيت من جوه حلو الدنيا هتحلو
ساعات كل اللي بنحتاجه تغيير جو
ونبطل نخاف نمشي كل خطوة بدون حيرة
والقلب شواف قادر يشوف الدنيا حلوة وجميلة