كلمات اغنية خناقة فركشه - فريد 2024
أنا وحبيبتي آخر جمال وكلامنا همس ووشوشة
ومروّقين.. وملطّفين.. والليلة أُنس وفرفشة
وفجأة تحصل حاجة تافهة.. نفتح مناقشة ودردشة
وكلمة منها على كلمة منّي.. تقلب خناقة فركشة
سمنة وعسل بقوا نار على نار.. والصوت مسمّع سابع جار
وخد وهات طلعت أسرارنا وبقت خلاص نشرة أخبار
وأسيبها تهدى بتشعلل أكتر.. ألمسها تنزل خربشة
آجي مصالحها بهدية غالية وعزومة حلوة على العشا
يومين وتحصل حاجة تافهة.. نفتح مناقشة ودردشة
وكلمة منها على كلمة منّي.. تقلب خناقة فركشة
أنا أقول يا ناس مُخّها مرووش.. وتقول طهقت مبحبهوش
ونمتحن كلام الخناق.. في ليالي البعد يطلع فاشوش
نرجع نحن لذكرياتنا.. وللطريق اللي اتمشى
وأقول حبيبتي تقوللي روحي.. ودموع وأحضان كلبشة
يومين وتحصل حاجة تافهة.. نفتح مناقشة ودردشة
وكلمة منها على كلمة مني.. تقلب خناقة فركشة
