كلمات اغنية رئيس الجمهورية - على غزلان وشيماء المغربى 2018

لو حياتي فيلم لازم تبقا واخد دور بطولة
او رئيس الجمهورية جوا بيتنا من الطفولة
في الصور ارهقت كتفك مابالك بالحقيقة

بعترفلك نفسي جدا ابقى نسخة تانية منك
كنت بفهم من ملامحك المزاج لو كان معكر
كنت بفهم لما تقفل باب عليك علشان تفكر
لما تعمل ماما شاي وميعجبكش تقول مسكر
عندي قدرة مية سنة ميكفونيش لما احكي عنك

حتى صوتك لما تغضب او تزعق فيا حبة
كنت بجري واستخبى فجاة تضحك من شقاوتي

لو يجيني برد عادي تبقى متجنن فصادي
وقتها بلمح في عينك قد ايه فعلاً غلاوتي

تبقا فاهم لما اعوز مصروف زيادة وجيبي فاضي
تبقا فاهم عيني ديما لما اكون شبطان في لعبة

خدت منك طيب باينة في المسامحة والتراضي
واني لازم ابقى راضي مهما اشوف العيشة صعبة

قولتلي المظلوم بيدعي وربنا يرجع حقوقه
وان كل الاكل نعمة غيرنا مش عارف يدوقه

وان حتى الكميا سهلة والبشر ديتها وهلة
من دقيقة تبان حقيقة تتفهم من غير كلام

خدت صوتك خدت طبعك خدت قلبك خدت شكلك
والهدوء اللي في ملامحك لما بتراجع مشاكلك

المعاملة الحلوة منك ويا ماما في وسط اهلك
كل ده علاك في نظري مش ابوة والسلام

يابختي عندي اب وعنده روح ديما شباب
صحيح جان بس جد وزي مايقول الكتاب

في وقت الضحك ضحك ومهما اقول ميكفيهوش
يابختي باب اخ وقام بدور كل الصحاب

يا نسخة مني بالكربون لكن احسن كتير
ياروح حلوة تخلي الناس تموت فيها بضمير

يا صاحب احلى سيرة واحلى ضحكة ع الوشوش
مفيش منك ولا هيكون عشان قلبك كبير

هفضل اتسحب واقرب ايدي من نفسك واعدي
ثم ادعي ربنا تفضلنا وعمرك يطول

حقي مستغربش حبك اللي كان منك لجدي
ياما قولت ان الرباية زي دايرة اخرها اول

كل يوم ترقعني علقة لما اكسل اصحى بدري
والحزام الجلد لما رنته ترعبني واجري

واستخبى في حضن ماما قال ساعتها تبقا خلصت
وألقى ايدك شادة ايدي ويلص الموضوع في ثانية

ولا لما يوم خرجنا معزومين مع ناس صحابك
خدت جنب زعلت لما كنت تتريق عليا

روحنا ع الجامع نصلي كنت انا لابس شرابك
اتفاجئت وقومت بادئ للاسف في خنافة تانية

كنت لما اسهر شوية تيجي نتأنس بطاولة
واغلبك تضحك تقولي عيب عليك انا ابوك وأولى

واعزمك تاني يوم فتشرط الحساب عندك والا
مش هتقبل بالعزومة مهما بعمل مي محاولة

حتى فاكر لما قلبي دق مرة وعمري ما انسى
كنت لسه في تالتة رابع بس شكلي كبير في خمسة

رحت قايل ليا جملة بابا فاهم كل حاجة
اعمل ايه يا حبيبي وانت واخد الاحساس مقاولة

ايدي شابكة في حضن ايدك
غبت او هتغيب معايا
ده اللي واصل بينا روحنا
باختصار مالا نهاية

ابن شاف في ابوه حياته
من الصغر بطل الحكاية
فالطبيعي تشوف في عينه
نظرة معناها انبهار
ربنا يقدرني اني ابقى زيك ابن بار

يابختي عِنْدِي آب وَعِنْدِهِ رَوَّحَ دِيَماً شَباب
صَحِيح جان بَسَّ جِدّ وَزِيّ مايقول الكِتاب

ڤِي وَقَّتتَ الضَحْك ضَحْك وَمَهْما أَقُول ميكفيهوش
يابختي باب أَخ وَقامَ بُدُور كُلْ الصحاب

يا نُسْخَة مِنِّي بِالكَرْبُون لٰكِن أَحْسَنَ كتير
ياروح حُلْوَة تُخَلِّي الناس تُمَوِّت فِيها بِضَمِير

يا صاحَبَ أُحَلَّى سَيْرَة وَأَحْلَى ضُحْكَة ع الوشوش
مفيش مِنكِ وَلا هيكون عُشّانِ قَلْبكَ كَبِير

قسوة الايام في بعدك مستمرة في التأني
واللي واجع قلبي منك مش مجرد بعد عني

بقرا ليك الفاتحة ديماً واذكرك في جميع كلامي
من الوجع مشتاق لغايب لا يعود لو بالتمني

للاسف كان نفسي تفضل بس ما بالعمر حيلة
واللي سيبته فيا انت عشت بيه لسنين طويلة

بلمحك واتنفسك روحي تترد في منامي
مش مجرد رب اسرة كنت اب في شكل عيلة