كلمات مهرجان ساند حالي - فرامل 2024
Saned 7aly - Framel

انا اللي ماشي بقول مدد زي المجذوب
وانا ال كان واقف وتد وسط الحروب
صاحبت ناس ملهاش عدد عنهم هتوب
ملقتش حد يكون سند فاضيه القلوب
...........
ساند حالي وماليش غالي
عشان البعد احلالي
وامتي الدنيا تصفالي
ف همي قالتلي وانا مالي

مين معايا ده كله ضدي
ويومي ليه رافض يعدي
علميني ياشده شدي
فوق ياقلبي ولا تبالي
............
بناقص ايوا مش ناقص
من الاخر بقيت حاسس
بإن مفيش أمل خالص
و ادي الضحكه بقت بالإذن

ليه فرحي عليا متحرم
وقلبي بخنجر اتخرم
فاضلي يومين وهتكرم
واحقق اعلا نسبة حزن
..........
ال قالي هموت معاك
فاتني وحدي وراح هناك
والحياه قلبت بلاك
مين يطبطب مين يحن

ماضي عقد مع الهموم
والزياره كل يوم
زمني ده مبقاش مفهوم
عمرنا مبقاش بالسن
............
صاحبت الموت بقا زميلي
بقضي معاه بقيت ليلي
ومين ف عزايا هيجيلي
محدش فاضي دي تلاهي

بقيت واحد مالوش متوه
وماشي الخطوه بالخطوه
صابتني اللعنه والعدوه
واتاري الدنيا دي ملاهي
...........
الشيطان اللي ناداني
هو اكتر شئ آذاني
شكلي عجز قبل اواني
حتي قطر الحب فاتني

كان ده عيبهم ولا عيبي
ولا ده اصلا نصيبي
لما روحت اشوف طبيبي
قالي حالتك حيرتني
...........
حياتي وعمري بيضيعو
وكل الخلق بيبيعو
انا انسان ف تشكيلو
بيضحك غلب مش مبسوط

محدش فيا يتأمن
شاكك فيهم ومش ضامن
كاني بنط م التامن
وبقنع نفسي انا مش هنموت