كلمات اغنية عالقمة - هيثم شاكر 2022
Haytham Shaker - Al Qemma
كل السحر بيبطل لكن سحرك عمره ما بطل
كل الناس بتنافس لكن انت لوحدك بطل
وسط الضلمة منور وجمالك عمال يتطور
اي سهام بتعور وانت عيونك سهمها قتل
الازواق تتغير بس عليك الكل اجتمع
واللي قنوع بيشوفك يتغير ويجيله طمع
كله عايز يوصلك لقب النجم دة متفصلك
طب دا انت اللي ماشافش جمالك بيحبك عالسمع
وعالقمة انت ومسيطر وجوا القلب متسنتر
ومهما اقول كلام اكتر قليل برضو على وصفك
قلبت حياتي في ثواني بحبك يوم عن التاني
ماشوفتش قلقي وجناني في وقت ما ببقى مش شايفك
كله بينقص حاجة بس جمالك عمره ما نقص
دة انت من النوع اللي حبيبي خلاص م الدنيا خلص
واللي يقارن نفسه بيك صدقني بيظلم نفسه
كل اللي اتهور وعملها جاله احباط ويئس
