تحميل اغنية قتل عمد - علي غزلان و شيماء المغربي MP3 | مطبعه دوت كوم تحميل اغنية قتل عمد - علي غزلان و شيماء المغربي MP3 | مطبعه دوت كوم
267
استماع الان
246
744
اغنية قتل عمد - علي غزلان - اغاني عربي 2019 - اغاني عربي
استماع لاحقا

كلمات الاغنية

كلمات اغنية قتل عمد - علي غزلان و شيماء المغربي 2019

جوا قلبك و لا قلبى كلام محدش يسمعه
ربنا وحدة اللى عالم اللى فيه و بيوجعه
متعيرش فحد ناقصه و قوى قلبه و شجعه
و اسنده خليك فى ضهرة و اوعى حد يوقعه
ربنا لما خلقنى و جوا منى حاجه ناقصه
كان بيبعت ليك رساله كان بيزرع فيا حكمه
و الرساله انك تكمل اللى ناقص عندى عندك
لو وقعت تشلنى رجلك و لو ضعفت تشلنى كلمه
كلمتك ممكن تقرب او تطمن أو تشيل
أو تخلى الدنيا اصعب حملها على الروح تقيل
اى واحد حب يجرح حد جيه زمان عليه
و أن دى مش قوه لكن لا دة ضعف و بيداريه
هو حس بأنه ناقص قام يطلع نقصه فيه
و أنه مش فاهم بجهله انها بتترد ليه
حاجه متقللش منى لو رفيع أو تخين
بردو مش هيعلى منك لو تقولى كلام مهين
الهزار مش ضحكه طالعه تجلد اللى مدارى عيبه
و الجدع مش عيبه ابدا شكله ايه و لا ابن مين
ربنا من لطفه بيا جابنى بس برجل واحده
كنت بمشى بكرسى دايما يا فاديه العكزات
كانوا ياما بيندهولى يالى عاجزة و يالى ساندة
انتى شكلك ليه يخوف يالى مش شكل البنات
كنت دايما عندى حاله من التوتر و التعاسه
انى دايما كنت شايف السواد تحت العينين
كل واحد كان يشوفنى يبقا بيقولها بغلاسه
انى مش واحد طبيعى و انى شكل المدمنين
البروكه فى مرة وقعت غصب عنى فى ميكروباص
اللى كانو جمب منى خافو منى و اخدو جنب
كل واحد من اللى شافو نظرته كانت رصاص
ماتو من الضحك و سابونى بعد كانسر عندى قلب
حط نفسك يوم مكانى و شوف بقا هتحس ايه
لما حد فى يوم يهزر على اللى ملكش ذنب فيه
يبقا بيزود همومك يبقا بيحطم كيانك
و اللى بتخبيه فى شكلك هو هيشاور عليه
اوعى تكسر حد حاسس أنه عايش فى الوجع
خلى قلبك يبقا طيب و ارحمو خليك جدع
خلى بالك و اوعى تغلط يوم بكلمه و تتسمع
و احمى حزن فى قلب واحد كان بايدك تمنعو
اختلافنا مش اساسى يبقا عيب قدام عينيك
اختلافنا وضع عادى البشر مش زى بعض
يعنى لما تقول يا سودة تفتكر ههتم بيك
كلنا من نسل واحد كلنا شايلنا ارض
عندى عاهه فى وشى لما انا اتخبطت فى لوح ازاز
خدت كام غرزة و لقتهم علمو فيا لسنين
كانو كل الناس يقولو مش هتنفع للجواز
هو اهبل مين ياخدها و هيا شكل المجرمين
ليه تملى بيجرحونى لما اتهته فى الكلام
و انى لو عايز اعبر عن حاجات بحتاج لوقت
كل ما انطق كلمه الاقى ضحك هستيرى و زحام
و اللى فجاءة يقولى يا ابنى عدها تانى لو سمحت
ليه بتدخل تقرأ رائى و انت مش عاجبك كلامى
كل واحد حر يكتب اللى شايفه و حس بيه
مستحيل انت بشتمتك تبقا كسبان اهتمامى
و الغلط بيعيب فى صاحبه و انت تغلط فيا ليه
كل واحد فينا عايش نقصه حاجه من السنين
ربنا وحده اللى شالها و هو عارف ليه و فين
الورود لو لونها واحد يبقا مالهاش اى قيمه
و البشر لو شكل واحد يبقا مين هيحس بيها
احنا اسفين لو سمعتو اى كلمه مش تمام
انتو لازم تلقو فعلا مننا كل احترام
لو نفكر بس لحظه قبل ما نقول الكلام
و الضمير يحكم لسانه الف حرف ترجعه
و النهايه فكل حاله التنمر قتل حاسم
قتل عمد لكل واحد اتوجع عمرة لسنين
و اللى بيعايب فى رسمه يبقا بيعيب فى اللى راسم
و انت لما تعيب فى شكلى يبقا بتعيب فى مين


جميع الحقوق محفوظة لاصحابها والموقع غير مسئول عن انتهاك الحقوق الملكيه الفكريه .. اذا كنت صاحب العمل الفني واردت الابلاغ عن سرقة حقوق ملكيته للتاليف والنشر يسعدنا استقبال البلاغ علي الرابط .. وعند الحصول علي ما يثبت حقوق ملكيتك سيتم حذف العمل فورا ونضمن لك عدم اضافته علي موقعنا مرة اخري ..
controls_next
controls_toggle
controls_prev
0:00

0:00

player_volume
player_loop
player_shuffle