كلمات اغنية قط و فار (من فيلم قط و فار) شارموفرز 2015

القط يتعصب يهز ديله مظبوط
والفار لما بيلمحه يطلع يجري ده المفروض
راح الفار يداعب القط فاكر الغزالة رايقة

القط بظ ضفره هجم هجوم تتار
وطوح بي ايده علم عليه بسكار
كل ده ليه .كل ده ليه
الكائنات مختلفة فعلا مش افيه
توتا توتا.توتا توتا
توتا توتا مش هتخلص الحدوتة

ضبك دخلي جوه نازل عليه سنتين
وهتفضل هي صورتك حتى لو عملت تقويم
ما انت ممكن تبقى چان بس مجرم تعمل crime
اوضريب وچانكي مدمن كل يوم تشد line
ربك خلقنا بلكمال مش مهم عنده لونك
المهم تكون في حياتك راس حربة وتدخل جونك
هس القط جيه هس القط نو
ما احنا اللي عملنا القط كلب روت وبقى ييجي يزط
النو مأنتخ في العصرية من البلكونة مدلدل ديله
قاعد يتاووب يتمطع
طرقع رجله يلحس ايده
وانت كالعادة ع جنب معدي
المرة ديه مش مستخبي
هنزل ف الشارع اجري واطير
هخرج من جحري انا مش اسير
وهبص لفوق مش هبص تحت تاني هطلع قدام مش هفضل في مكاني
قعدت تجري مسافات كيلومترات تقولش جي جري من آسيا
سحلت القط وراك صحبك
مستنيك زي ما قال ع الناصية
كلب بلدي بي كسكيتة
ف بوقة سجارة بالمونت مدلدلة
حواليه رجلته وعزوته
كلها كلاب خرمنت مريلة
هب مرة واحدة حصل قفلة
جم ع القط وعملوا الحفلة
كرسي في الكلوب
كرسي كرسي ف الكلوب
اضرب القط قطعه ديله هده حيله
هو اللي تلط
هرب القط من المعركة
من غير فروته بقى زي البرص
والفار قاعد ع القهوة مريح
طلب القهوة رص القرص
الفااار قلب القهوة فرح هيصة
وجاب فرقة حسب الله
وحااوي بيلعب بالنار
اتقلبت سيرك لأهل الله
ايييييه
وهبص لفوق مش هبص تحت تاني هطلع قدام مش هفضل في مكاني