; تحميل اغنية لعبة الحياة - ليل المحمدي MP3 | مطبعه دوت كوم تحميل اغنية لعبة الحياة - ليل المحمدي MP3 | مطبعه دوت كوم
42
استماع الان
303
270
اغنية لعبة الحياة - ليل المحمدي
استماع لاحقا

كلمات الاغنية

كلمات اغنية لعبة الحياة - ليل المحمدي 2024
Lil Elmohamedy - Le3bt El7ayat

كأني مغناطيس لكل شئ بيأذي فيا
كأن الكون بحاله اتفق يكون عليا
اتهد حيلي من المعافرة يا دنيا حس بيا
انا لو هحكي الحكاية هتطلعي مديونة ليا

ف مسرحية الحياة اخدت دور كومبارس صامت
كل الاحزان بتعدي بس عندي جت ودامت
ليه بتكلبشي فيا كأني حضن أم غابت
اشمعنا أنا واشمعنا هية مين ضحية قالت

انا الحياة عشان تعيشني هتمشي ع السيناريو
كل اللي فيها انك واحد في الف واحد زيو
ماشي يخبط ع الببان يحلم باب يتفتحلوا
لقي الببان متقفلة عجز كبرت ملامحوا

انا الدور اللي اتلعب أنا اللعبة بذاتها
انا النتيجة الواقعية اللي الزمن ثبتها
راضي بيها وراضية بيا بس من زهقها
حالفة لتخليني سلعة وياريتها بتمنها

وهكذا احداث حياتي بعيشها كل يوم
سؤال بيطرح نفسه أمتي افوق من الهموم
ترد ذاتي باعلي صوت بكرة تلاقي الحلول
وبكرة يجي ولسة دوري ما هو آخر الطبور

مربوط بعجلة الظروف وبكافح وراضي
في لعبة الحياة سكنت دكة الاحتياطي
مستني فرصة ربع فرصة جت مجتش عادي
اتعودت اني اعيش ف دنيا بكرة بتاعها ماضي

سطر وقلم شاب اتظلم اكتب كان واد مثالي
اخلاقه عالية ومحترم ينفع تشكيل وزاري
واكتب كمان خلص علام شهادات ملهاش معاني
معكش واسطة كام بكام مفيش اتشاف بدالي

حالف اوصل مهما يحصل والقي صورتي ع الافيش
بس خايف دوري يجي في الرواية تاجر حشيش
او حرامي كان بيسرق اي حاجة عشان يعيش
مشهد النهاية حتمي مقتول أو هكون حبيس

جوه جدران العذاب الف واحد شكله شكلي
بس الفرق بينا شاسع مهما زادت يوم مشاكلي
احنا جوه سجن واسع هما جوه اوضة ملي
والمقارنة مش بعيدة بالجراح دايما نحلي

ايوا لسة صفحة بيضا خايف يتشخبط عليها
ايوا بهرب من الحقيقة بس عارف اللي فيها
النهاية مش سعيدة ماتت احلامي البريئة
أقصي طموحاتي البعيدة اني احس بالامان

قفل قافل علي المشاعر للاسف مفتاحه ضاع
اشتريت الوحدة آجل جوه مني داير صراع
شخص للتحدي قابل شخص تاني في الضياع
رحلة ومشيتها بكياني أمتي هرتاح نفسي انام

لازم هيجي يوم وادوس يادنيا علي الظروف
شعاع امل ف ضلمة يجوز كفايا عشان اشوف
كل الحكاية فكرة كلمة تلغي اي خوف
هعدي لو بحور الم كل البدايات حروف

هغير السيناريو بأيدي هكتب لنفسي قصة
طريقي منتهاش اكيد هخلق لنفسي فرصة
هعدل الصورة المقلوبة هخلي عقلي بوصلة
الايمان هو البداية طول ما روحي فيا لسة

اغاني ليل المحمدي

استماع الكل

جميع الحقوق محفوظة لاصحابها والموقع غير مسئول عن انتهاك الحقوق الملكيه الفكريه .. اذا كنت صاحب العمل الفني واردت الابلاغ عن سرقة حقوق ملكيته للتاليف والنشر يسعدنا استقبال البلاغ علي الرابط .. وعند الحصول علي ما يثبت حقوق ملكيتك سيتم حذف العمل فورا ونضمن لك عدم اضافته علي موقعنا مرة اخري ..
controls_next
controls_toggle
controls_prev
0:00

0:00

player_volume
player_loop
player_shuffle