كلمات اغنية مش يومين - على لوكا 2024
Ali Loka - Msh Yomen

مش مسامح على اللى فات و مش بلوم
حاولت ياما كتير انا و مفيش حلول
عشمت نفسى بالكلام و بالوعود
دلوقتى بان مين اللى صان مين اللى خان
طب قولى امتى بس شفت خير معاك
جيت على اللى ياما عدى و استحمل اذاك
كل اللى فاتنى من حياتى مش فداك
كل اللى كان ما بينا أكنه يوم ما كان

دول مش يومين
دى كانت فتره من الوجع
كانت سنين
و بجد فيك قلبى اتخدع
كل اللى فات
من زكريات
كانت معاك مش محسوبين

لو جاى فاكر انك انت لسه ليك
مكان فى قلبى قولى مين ضحك عليك
القلب مات و من زمان البركه فيك
ده انا مش ناسيلك اى حاجه بس ناسيك
ده عمر ضاع على الدموع و على الهموم
و روح بتدبل من الوجع يوم بعد يوم
وفر كلامك مهما تقول مالوش لزوم
مفيش ما بينا اى عتاب او حتى لوم

دول مش يومين
دى كانت فتره من الوجع
كانت سنين
و بجد فيك قلبى اتخدع
كل اللى فات
من زكريات
كانت معاك مش محسوبين