كلمات اغنية نص الحاجات - مسار إجباري 2022
Massar Egbari - Nos El Hagat

مكتوب عليك نص الحاجات مكتوب عليك نص العما
مكتوب عليك نص السكات نص العياط و الهمهمه
مكتوب عليك ، نص انبساط ، متبقي من نص إترمى
مكتوب عليك نص السما مالكش حق في كلها
نص امتحان مالملزمه نص الحلول حتحلها
مكتوب عليك حبة حاجات ، حبة حاجات من ضمنها
تبص بصه عاللي فات ، كام نص مات
كام نص عاش ، كام نص مستنيك ماجاش
بصه عاللي فات ، كام نص مات
كام نص عنك مره حاش ، نص اللي كان مغفلك
ياما تهت ياما ، و اتمنيت علامه
و مشيت عكس عكاس
و اتعشمت في ناس
عايش بين وشوش ، عايز ناس ماجوش
انصاص بحوّشها و بحوش
لحالي ، بحالي
انا اللي اتكفيت ، و انا اللي اكتفيت
و رحت ياما و ياما جيت ، لفيت و بقيت
انا الحاوي ، انا الغاوي ، ده انا مخاوي
انا الغاوي في عز النوّه أعوم
و ياما وقعت ياما ، بس برجع تاني اقوم
بص بصه عاللي فات ، كام نص مات
كام نص عاش كام نص مستنيك ماجاش
بصه عاللي فات ، كام نص مات
فتعيد حساب كل اللي الحاجات
تلقى اللي فاتك كملك