كلمات اغنية نعدي الشارع سوا - كايروكي 2015

مسكت إيديها عشان نعدي الشارع
بعينيها قالت لي ما فيش مانع
عملت عبيط أكيد وفضلت ماسك
بصت لي بصة حادة وقالت لي حاسب
قلبت الموضوع في ثانية هزار
خذتها السينيما عزمتها على فشار
والفيلم كان أكشن جبار
والبطل فيه كالعادة بيكسب الأشرار
ياما نفسي الفيلم يخلص والنور ينور
خايف أقرب أكثر خايف أتهور
مش عارف أصدق ولا عارف منيين أبدء
مش عارف أفكر متوتر
مش عارف أعبر
مستني اليوم ده أنا من زمان
أفتح قلبي وأقول لها كل الكلام
مستني اليوم ده أنا من زمان
أفتح قلبي وأقول لها كل الكلام
وأمسك إيديها ونعدي الشارع سوا
عدينا الشارع
ودخلنا في ثاني شارع
تُهنا في الزحمة
وشفنا الدنيا أحلى
الشارع لينا
وأول مرة لوحدينا
فجأة طلع علينا
عيال ولاد لذينة
عملت معاهم السليمة
ونمرة عليها القيمة
بصّت لى بصة خطيرة
معانيها كثيرة
زي الواد بتاع الفيلم الأكشن الجبار
رحت هزمت كل الأشرار
عملت عبيط ثاني وحاولت أتمادى
بصّت لى بصّة حادة
والمرة دي بزيادة
قلبت الموضوع بهزار كالعادة
قالت لي لمّ الدور وروح يا حمادة
مستني اليوم ده أنا من زمان
أفتح قلبي وأقول لها كل الكلام
مستني اليوم ده أنا من زمان
أفتح قلبي وأقول لها كل الكلام
وأمسك إيديها ونعدي الشارع سوا
قلت لها كل حاجة
وقلت لها الحقيقة
وزي الفيلم النهاية كانت سعيدة
ردّت وقالت وأنا كمان
نتقابل بكرة في نفس المكان
مستني اليوم ده أنا من زمان
أفتح قلبي وأقول لها كل الكلام
مستني اليوم ده أنا من زمان
أفتح قلبي وأقول لها كل الكلام
وأمسك إيديها ونعدي الشارع سوا