كلمات اغنية وإنت غايب - كريم محسن 2024
Karim Mohsen - Wenta Ghayeb

وانت غايب ..
كل حاجه ف عيني مالهاش أي قيمه
بَعدك مافيش ولا حِته فيا بقت سليمه
ع الحنين قلبي وعينيا الله يعينهم

جوايا سايب ..
ذكريات الوقت صعب ينسيهالي
و ليالي زيها مش هعيش أبداً ليالي
فيه ناس ماتتعوضش وانت حبيبي منهم
..
وكل حاجه معاك واحشاني
مشاعري ف حالي مش سايباني
بحن ليك يا حبيبي
وبدعي ربنا نرجع تاني

هموت وأشوفك تاني قصادي
لو حتى كان بالصدفه انا راضي
واحشني أوي وبَعدك
بقيت بشوف العالم فاضي
..
إمتى تيجي ..
ده برجوعك ليا انا هترجع حياتي
من يوم ما غِبت بقيت انا ف أسوأ حالاتي
دَبلان وشكلي إستغربِت منه المِرايا

يا حبيبي ..
حِس بالنار اللي فيا وحِس بيا
دنت بُعدك عني بيخَلَّص عليا
نِفسي يبقى كابوس ده وأصحى ألاقيك معايا