كلمات اغنية جارى يا جارى - اعلان اورنج - رمضان 2018
جارى يا جارى يا حتة سكرة
خلقك ضايقك قايسينه بمسطرة
لكن دمك خفيف والضحكة منورة
رمضان عايزك لطيف ما كفاية زمجرة
جارى يا جارى ياللى مأجر جديد
شغال تكسير فى الحيطة ومصحى قريب وبعيد
مع انى كلامك سكر بيلين الحديد
اللمة هنا فايتاك رمضان عايزك سعيد
جارتى حبيبتى صديقة الحيوانات
عندها كلبة جولدن بتهوهو بالساعات
مستحمل أى حاجة علشان ست الستات
ده الكل بيشهد ليها من طبق الحلويات
استاذ مجدى عاملى مشكلة راكن عربيته بالطول
وحاطلى سلسلة الفرقة هنا ناقصاك متسبش الجول
كده شهر الخير هل علينا بس انت تعال هنا
وانتى يا سوسة قعدالى فى أول دور
عارفه حكاوى الناس واحد واحد بالدور
لكن بتحلى مشاكل أحسن من الدكتور
أفطر يوم عندك وعندى على السحور
شكرى يا جارى حبيبنا من زمان
دايما ساكت ومقفل البيبان
لما بنحتاس فى حاجة أول واحد بيتبان
إظهر عايزين نشوفك رمضان الدار آمان
جارى يا جارى يا حتة مننا جه الوقت نقرب ونلم شملنا
رمضان كريم عليك وعلينا كلنا.
