تحميل قصيدة الطناش - هشام الجخ MP3 | مطبعه دوت كوم تحميل قصيدة الطناش - هشام الجخ MP3 | مطبعه دوت كوم
225
استماع الان
97
152
قصيدة الطناش - هشام الجخ
استماع لاحقا

كلمات الاغنية

كلمات قصيدة الطناش - هشام الجخ 2017

الطناش اربعة

إبراهيم ومحمود وفادي ومحمد

#الطناش_ابراهيم

انك تعشقية جدا وهو بغشمة مبيدراش
انك تكتبيله يوماتي حبيتك ومبيقراش
وبعد هموم من الحب اللي مش مفهوم
وبتعافري وبتناهدي وبتجاهدي وهو طناش
وبعد ماحبك يبتدي يدبل
واحساسك يغيب عنه ويتحول
هتكتشفي انه كان مجنونك الاول
لكنه يا عيني واد اهبل
ولا بيعرف يقول اشعار ولا يبرسم ولا بيكراش
فقضي العمر كله طناش
______________________

#الطناش_محمود

انك تعشقية ويموت
تحسي برغبتك انك تعاتبي عليه
بتوعد ليه ما دمت ضعيف ومهتقدرش
هيجي العيد وما هتحضرش
هترجع تاني ماما تقولي متأخرش
وبابا يقولي ماتهورش
واصعب عالبنات
يقولو سلوها علشان تنسى ومتفكرش
محدش شايف المشهد انا شايفاه
اخركم مصمصه وتنهيد ويا عيني ويا حول الله
عزاكم كلمتين ماسخين ولبس اسود
وشيخ قاعد بيقرالنا في سورة الفجر
انا الفجر الوحيد اللي مهينورش
متطولش في الارباع ياسيدنا الشيخ عشان الناس متتأخرش
سمعينك تلاوة حفص عن عن عاصم انا بس اللي سمعاك ورش
انا الفجر الوحيد اللي مهينورش
نادتية بعزم خوف الوحده مدورش وكمل وعاش
وانا لسه بنادي عليه وهو طناش

#الطناش_فادي

انك تعشقية عمدا عشان تنسي حبيب غيره
فيقد يرغي مش سامعاه
ويقعد يهري مش حساه
يجيبلك من الجبل سبعه
ومن شجر الجبل طيره
وبرضه بتعشقي غيره
وعايشه كل تفاصيله
كان بيسوق بأيد واحده
كان بغير ويتخانق علي الوحده
ويستناكي لما يوصلك بالليل ترنيله
وكانت كل اسرارك واخبارك وأفكارك وهمس الليل وترتيله
يدوبه في نظره من عينة وتسبيله
وفجأه تفوقي وتبصي علي بديله
بيهري لسه بيهري وبيحكي في احلامه وايامة ومنامه واوهامه
ويبدأ يختفي كلامه
ويظهر تاني طيف غيره
يبان في عنيكي تأثيره
بنظره حزينه شافها التاني مفهماش
محدش قاله عالقصه ومحضرهاش
فتبتسمي عشان ميقولكيش مالك
وتقعدي جمبه مش حساه كأنه مجاش
ويجري الوقت وسطيكم طناش في طناش

#الطناش_محمد

إنك تعشقية اصلا
لا هو زيك ولا شبهك وعيلتك شبه عيلته
ولا قادر يجيب لك شي
ده هو يادوب شايل شيلته
وانت غزاله عاوزه الورد والحنه وعسل النحل
شفتي غزاله عمرك عايشه وسط الوحل
ده عيل سيح
بيتلون ويتنسون ويتمسكن كما التماسيح
هدومك بيضا مش حمل الوسخ والهيل
وعيشتك غاليه علي عيشته
وهو ضعيف ومفيهوش حيل
هيبقي معاكي وقت الرقص
ويسيبك في وقت الشيل
دلوقتي هيرسملك في ضحكاته ويتبهرج
لكنه اصله – اصله اعرج
في وقت الشده هيبنلك ولد تاني
بخيل وعويل ومتسلق وعايش دنيته اماني
وانتي ورثتي من ابوكي خزاين عز رباني
فمش لايق علي صدر الحراير عقد براني
ده واد جربوع
خالته وعمته وسته وجوز امه ميتين من الجوع
وانتي كلابكوا في العزبه بتاكل بقره في الاسبوع
مفيش بين الارنب والسباع انساب
ولو عالحب يما اتفرقت احباب
هتنسي زي كل الناس ما نسيت بعض
ومش من قلة الاخيار
ما هي الرجاله ماليه الارض
بس يكون علي مقاسك
حاسس نفس احساسك
وليه طله شبة ناسك
بنات العيلة قدامك مصغروناش
يا بنت الناس متفضحنياش
ياما رضينا مع ان الكلام مرضاش
وعشنا العمر كله طناش

اغاني هشام الجخ

استماع الكل

جميع الحقوق محفوظة لاصحابها والموقع غير مسئول عن انتهاك الحقوق الملكيه الفكريه .. اذا كنت صاحب العمل الفني واردت الابلاغ عن سرقة حقوق ملكيته للتاليف والنشر يسعدنا استقبال البلاغ علي الرابط .. وعند الحصول علي ما يثبت حقوق ملكيتك سيتم حذف العمل فورا ونضمن لك عدم اضافته علي موقعنا مرة اخري ..
controls_next
controls_toggle
controls_prev
0:00

0:00

player_volume
player_loop
player_shuffle