كلمات مهرجان خربانين - تيم مطبعه 2015
توزيع مصطفى ماندو - كلمات محمد خليفة

خربانين
توهنا و غايبين من غير ما نشرب حاجة دايخين
متلغبطين ماحناش فاهمين نفسنا و لا مفهومين

ايام راحت علينا و شايفين وقتنا
بيضيع قدام عنينا و سايبين نفسنا
متاخرين و مقصرين
احنا اللي ع طول خربانين

دايما نقول احنا الاساس و احلي ناس و كويسين
لا كدابين
فاكرين وضعنا و لا يوم نسينا عارفين نفسينا و معروفين
خربانين

العمر بيجري بينا بس احنا مش خايفين
حتي اللي بين ايدينا بيضع و لا زعلانين
الحاجة الوحشة فينا بنشوفها احسن حاجة فينا
سكتنا ضلمة و ضايعة و بردو فيها ماشيين

ايه المطلوب مننا كلنا مش فارقة معانا
مش مضطرين دايما عاملين اللي علي هوانا
نسينا ان علينا حقوق لو حتي لينا مش مهتمين
في الدوشة حاسيين بالهدوء وسط الخطر متطمنين

مش عارفين احنا عايزين ايه
و لا احنا اصلا عايشين ليه
مافيش مكان عايزين نوصل له
ومافيش اساس نبني عليه

احنا اللي ناقصنا حاجات كتير و بنعمل نفسنا كاملين
و مش ناويين علي التغيير عاجبنا حالنا و مبسوطين

بنقول مش عيبنا و احنا غيبنا عن الحياة مش موجودين
اه مخطوفين
فين اللي بندور عليه طب هو ايه و لا احنا مين
مش دريانين

مابقاش يفرق معانا بكره هيحصل ايه
مات الامل جوانا حلمنا دايسين عليه
و بنهرب من الحقيقة مابنوجهش نفسنا
عايشين اوهام كدابة و كله مغمش عنيه

كل شوية نلاقي نفسنا داخلين متاهات
ولما تنتهي ازمة تطلع ازمات

نهرب من غير اي موجهة علشان في نفسنا مش واثقين
و نجيب حجتنا في الواجهه و نقول علشان كده مش قادرين
نرجع من غير مانشوف حلول مافيش تفكير و مافيش عقول
اللي بيفهم فينا مش فاهم و ماحدش مننا مسئول

لما بنخسر مانقولش خسارة و بنقول اننا مش محتاجين
احنا بنتاجر في الخسارة و نشوف نفسنا مش خسرانين