كلمات مهرجان مساء النقص - عمرو كمال و حمو بيكا 2019

مساء النقص كله يقف مكانه
ليلتكم ياس ومش ممكن تبانوا
ده سابني وراح وعمري ما اموت عشانه.
بحن عليه ومش شايف حنانه
ومش مرتاح في بعدك او وجودك
كده اتعديت كافة حدودك.
بقيت جارح بقيت اكره ردودك
وشوكك ياما اكتر من ورودك

فوق للهجوم الطلقة الحية.
اوعى تعلي صوتك عليا
كلامنا جاي من ارض الموت
عاليين عليكو وكاسرين عينكو.
انتو صغار اوي مش شايفنكم
فارس الارض فخم على وضعه
قولنا الكينج مؤمن الشينكو.

راح اعشق نفسي واصبح حد جاحد
هخاف من ايه يا صاحبي العمر واحد
عايش ميت خلاص اعصابي ساحت
وميت غدر روحي من راحت
يا بنت القلب عشقك بحر غادر
بحبك حب ياريت على البعد قادر
بعيني خونيني ثانك يو وحاضر
ده جنس لئيم بجد وصرف نادر.

مبحبسهاش انا غنوة مشاكل
متقفولناش بعيد انتم هياكل
هنا الانعاش وجاي على السكة واكل
انا المظبوط مشفتش فيكو راجل
انا استنساخ لحلمي وحلم دولة
وانتو فراخ بتتاكل في جولة
كبيركم داخ مفيش فيكم عتاولة
برافو يا كوتش اشوف اول محاولة

جارب استبدال صحابي النص لبة
طلعتوا عيال ويا خسارة اللي ربى
هقوم بمجال بلاش محن المحبة
هتيجو في وشي منكم هستخبى
انا اتخصيت ياباي على بفة عكرة
رفعت شريط هموت انا بعد بكرة
بحب حقيقي ونفسي بجد اكره
شيطان شاطر وانا برنس المذاكرة

زي ما انا على وضعي يا بب
في ضهري قوة وسلطة وشعب
اخاف ممكن ارجع صعب
الدنيا دايما وخداني وش
هقول تاني الاولى مجتش
لو حد غيري متتسيطش
لو جيت ازاولك متعيطش.
هنا الضعيف بيموت ميعيش

مساء الخير عاوز جوبين يعلو
ومفيهاش نو هروح في القرش كلو
خاين غدار ولازم يوم اذله
وكل ما اشوفه انا لازم هقوله
يا نن عيوني خلاص عيني عميتها
دي نعمة كبيرة ومش عارف قيمتها
حمل واسود خلاص شافت نومتها
مفيش تذكار عشان صورك رميتها

انسى يالا ولا انت فضائي انا كلية وانت ابتدائي
وانت ماشي اعدل الهوائي كنت بتقلب وانت رايح
عملت بوبي وقت المرزقة كان لازم احطك على المشنقة
بالامر عزل من المنطقة لو قعدتوا هتبقوا دبايح

يابيبي ياهارتي فين الهاني مون
بحبك حب اكبر من الجنون
تغيبي عليا ببقى بالف لون
لعبتي اللعبة عليا وجبتي جون

لو جبت انا كنز مال مش هيعوض حنانك
انتي كلك جمال مخلوق اصلك عشانك
يا عسل سكر حياتي يلي بتشغلي اوقاتي
اصل انتي ازازة توت وانا عاوز املى كاساتي

حياتي كياني يا موزة يا احلى فردة
بكاس العشق بسقي احلى وردة
رقيقة بريئة غزالة يا عم شاردة
ولو هطاردها انا حابب المطاردة

مات الكلام جيبو في اخركم
واجرحوني لحد امتى هعيش عشانكو خسارة فيكم
فوق التمام ودافنكو
لازم تكرهوني شرفتكم انا عمري ما اتشرفت بيكم
سيبوني في حالي
سهرت الليالي بقيت شخص تاني حنانكم ده وهم
مفيش حد شهم قلبتوا في ثواني