كلمات اغنية تتر مسلسل جت سليمة - دنيا سمير غانم 2023
الحياة زي الكتاب
تتقسم ٣ فصول
وامتحان بعده الحساب
بالتفاصيل وبالأصول
والأبطال هما الناس
وتدور بينا الأحداث
فيها المتوقع والسهل
وفيها المش معقول
ويا جت سليمة يا روح قديمة العب بعيد
مش فيلم سيما دي دنيا مين يقدر يعيد
بديهيات ثابتة واسألوا رمضان يا عيد
الفصل الأولاني ملناش أي اختيارات
اسمك وأهلك نصيب
وإحنا يادوب بيبيهات
ندخل بقى على الفصل التاني وإحنا وحظنا
حادي وبادي وكاني وماني ونبدأ فرزنا
ندخل بقى على الفصل التاني وإحنا وحظنا
حبة إيمانا يطب وحبة شيطانا يوزنا
كدة فالفصل التالت اتحالت لايدين ربنا
غلاف وكام صفحة وفهرس
والعمر مدرسة وبندرس
وننط من حفرة لحفرة
والشاطر عمره ما بيغرس
وبنجري بين صفحة وصفحة
سطرين شقا وسطرين فرحة
في صورنا مرسوم مشورانا
والشخصيات جاية ورايحة
ويا جت سليمة يا روح قديمة العب بعيد
عداد وبيعد وحساب عمال يزيد
والفرصة عندك كل يوم في نهار جديد
ويا جت سليمة يا روح قديمة العب بعيد
مش فيلم سيما دي دنيا مين يقدر يعيد
بديهيات ثابتة واسألوا رمضان يا عيد
