كلمات اغنية ماي فريند - محمود المهندس و احمد جيكا 2022
منوتش يوم علي شر ولا مرة واحدة أذيت
ومشوفتش إلا المُر ده انا ماشي جوه الحيط
والذكريات بتجر ندمان عشان حبيت
مفرحتش مرة وأبان من بره أنا مش فرقالي
أنا كنت بسيط مش عايز سيط ولا عايز قوة
فرحت الناس قلبي بيتداس تعبان من جوه
حاسس بالضيق موت جاي بطئ وبقيت مش هو
إنسان معدوم إحساسه باليوم ومعندوش غالي
حرب ف خلايا تفكيري دايماً يا فرحة تطيري
شغالة حلو لغيري وبتيجي عندي ستوب stop
وبحاول أصلب طولي تيجي يا دنيا تقولي
في ضحكة أهي هاتوهولي أنا تريند عندِك توب top
مكانش طبعي الغدر وعمري حتي ما بعت
صراحتي زي القطر وعشانها ياما وقعت
وكل ما اكتب سطر بحس إني إتوجعت
عديت بحاجات كتر الإصابات علي بُعد قريب
مش باقي خلاص مش عاوز ناس وهعيش فـ جزيرة
وكلامي بجد مش هدي لحد انا فرصة أخيرة
زعلان جوايا فاكركوا معايا الضربة كبيرة
خلتني أكون واحد مجنون مَوتتوا الطيب
سحب ف بحر بيخليني عايش لناس تأذيني
ولو تدمع عيني تزيد حاجات وجعاني
شايل همومي جبال علي كل باب اقفال
طَوِل كتير الحال طب أشوفلي كوكب تاني
بحبَك إنت وبس ويلا نبني حياه
قدام عنيك ليه بحس كل اللي بتمناه
أول ما قالك بِس سبتيني روحتي معاه
كنتي إستنيتي لحقتي جريتي حجزتي مكانك
مش هحكي عليكي ومبقاش ليكي وجود جوايا
ايوه إتبخرتي إنتي اللي إختارتي تكون دي نهاية
عندك أحلام.. تتكلف كام.. وتكوني معايا..
عامله التسعيرة هدية كبيرة عشان ده مقامك
ضرب ف ضهري بالسكاكين صاحبي عاملي كمين
لو كنا واكلين طين كان صانه ومخانيش
سايب بنات الكون وحبيبتي هي تكون
his love ع التليفون ف يا صاحبي متلومنيش
انا هبقي businessman عربية فلوس وڤيلا
والناس دي مش هتبان أكبر ما فيهم قِلة
كنت صاحبكوا زمان وزهقت مش هتسلي
( ندل وبيدوس وده كلب فلوس أشكالكم تقرف
أنا ياما سندت وليه إتبَعت ف اول مركب
جدعنتي أذيتني دي ناس خلتني ف فترة مسيكب
أجمد أسلحة فن المصلحة بـ كلام مترتب
الخد مداس مع إبن الناس ماهو ماشي بيصرف
أما إنتي غيرهم عالمية عاقلة وعارفة تبقي شقية
عمرك ما كنتي عادية يا ستار star ف احلي سكي sky
تقاطيع علي الفرازة فيكي دلع ولذاذة
كل البنات متغاظة قولتهم انا باي باي
يا چيكا ليه دنيتنا فردالنا ف العضلات
ف حالنا وف سكتنا تنصبلنا مطبات
يا مهندس أصل حياتنا مليانة بالحوارات
لو حتي سلكت وفي connect مع البشرية
انا كنت صريح ولا بقي تلقيح ولا حتي مشاكل
حافرين الفخ وقالك أخ تقع تتاكل
لابسين الوش ونازلين غش البيع بالساهل
انا كل ما أبص يقلوا النص ده مكسب ليا
انت my friend اللي باقيلي لو كنت فين هاتجيلي
بالخير كمان تدعيلي اخويا رجوله وشهامه
كلامنا يروح ف بير اسرار ومهما شيطانكوا لف ودار
فتحتو عليكو خط النار هتدفعو كارته وغرامة
