كلمات اغنية هاتلنا بالباقي لبان - كايروكي 2019
لو بكرا نهاية العالم
هنزل افول عربيتي
واخدها واعدي عليكي
ننزل نتفسح،
مش عارف هنروح فين
هنسوق زي المجانين
وهنركن في الممنوع
ونمشي حافين.
ندخل على السوبر ماركت
نسرق تفاحة ونهرب
نتريق على اللي يعدي
وممكن نشرب،
ونجيب بفلوسنا سجاير
اللي بطعم النعناع
ونقوله واحنا بندفع.
هاتلنا بالباقي لبان هناكلها ونعمل صوت
هاتلنا بالباقي لبان علشان نعمل بلالين
هاتلنا بالباقي لبان انا عايز اكون فرحان
لو بكرا نهاية العالم
هشتري موتوسيكل سباق
وهنمشي مش هنفرمل
هنكسر العداد،
هنسجل فيديو انا وانتي
هنقول ايه مش عارفين
ممكن نحكي فوايد
اللعب مع الدلافين.
و نقف قدام السينما
نتفرج علي الافيشات
واحكيلك فيلم انا شوفته
بطله من اوله مات
ونجيب بفلوسنا سجاير
ونقول واحنا بندفع
هاتلنا بالباقي لبان ناكلها ونعمل صوت
هاتلنا بالباقي لبان علشان نعمل بلالين
هاتلنا بالباقي لبان انا عايز اكون فرحان
