كلمات اغنية هتقول لربنا ايه - انغام 2019
هتقول لربنا ايه لما تقف يوم بين ايديه
فكر شويه في السؤال ده قبل ما تجاوب عليه
هتقول خنتها علشان كانت على نياتها
هتقول مافيهاش حاجه ان انا دمرت حياتها
هتقوله يا رب اصلها تستاهل نهايتها
علشان حبيتني و وثقت فيا و هاعمل ايه
هتقول من كتر ما ضحيتلي مليت منها
وعملت انا كده علشان مابعدش في يوم عنها
هتقوله بسيطه ومحسيتش اني بخونها
موضوع مش مستاهل اصلا اتكلم فيه
هتقول كانت بتغير وبحبها خانقاني
و بغير جو عشان لما ارجعلها تاني
يتجدد شوقي واحس انها كده واحشاني
كل اللي عملته عملته علشاننا احنا اللي اتنين
هتقول انك مانتاش ندمان ومعاك عذرك
وهتقدر يومها تدافع عن وجهة نظرك
صدقني يوميها مفيش غيرك هايشيل وزرك
وريني ساعتها انت هاتعرف تكدب على مين
