كلمات اغنية وحشاني - عمرو جابر 2021
Amr Gaber - Wahshany
سامعاني لسه وحاسه بيا .. ولا بُعدك عني أثر
يعني لما هقول بحبِك .. هتقوليلي بحبَك اكتر
ولا قلبك سابني يعني .. ومش راجعلي طمنيني
ياحبيبتي انا عايزك انتي .. حتى لو عايزه تسيبيني
كان طبيعي ان انتي تمشي .. بعد قلبي ما جه عليكي
حتى بعد البعد نفسه .. كنت بقسى واقول ناسيكي
كنت غلطان بعترفلك .. سامحي قلبي و ارجعيلي
لو مش انتي الباقيه ليا .. طب قوليلي مين باقيلي
.
.
واحشاني
مهما روحت وجيت ومهما داريت هقولك تاني
واحشاني
لسه عيني عليكي ولسه شاريكي ولو بايعاني
.
.
حيطه ظهرت فجأه بينا .. لقيتني مش عارف اطولك
مش لاقيلها حل عندي .. ما الحلول كانت حلولك
كنتي قلب انا ضامنه دايما .. و القلوب مالهاش ضمان
عيشتي طول العمر خايفه .. وعمري ما اديتك امان
مش هلومك مهما يحصل .. صدقيني مفيش نقاش
بس لو كانت هتخلص .. كان من الاول بلاش
عارفه يمكن كان ضروري .. ان انتي تمشي وتسيبيني
لان عمري ما كنت هفهم .. معني انك توحشيني
