;
كلمات اغنية يا ابيض يا اسود - كايروكي 2019
أسئلة عايشة معايا مكملة والإجابة متأجلة
سلسلة وكل حلقة للثانية مسلمة
بلف في دايرة ومهما بقيت برجع هنا بصيت في مرايتي لقيتها سودا ومظلمة
النفسية بعافية تعبانة، مدشملة
حطيت رأسي في سجادتي حكيت لربي على اللي جوايا أنا أنا أنا أنا أنا
شايل من زمان أنا أنا أنا أنا
في قلبي ألف سؤال أسئلة كثير والضمير بياكل ويأنب
زي الحمير حافظ طريقي ومغمي عينيّ
وقعت في بير بنده وصدى صوتي مغطي عليّ
صوت بيقول ممنوع وصوت بيقولي إمشي ورا النية
يا أبيض يا إسود قصة حياتي وكل حكاياتي
مع إني عادي عادي عايشها في النص رمادي
يا أبيض يا إسود قصة حياتي وكل حكاياتي
مع إني عادي عادي عايشها في النص رمادي
القلب مات مع إن فات صرختي صوتها سكات يأس كسرة وإحباط طناش طناش واستعباط
بعاد عن رب العباد شيطان راكبني زي الجواد درنج درنج روح هناك أروح هناك تطلع سراب
بجري في سباق وأنا فيه متساق والسواق بيدوس بغباء
قطيع والكل بيقول ماء ماء ماء ماء
زهقت يا ناس من النفاق والمجتمع الكذاب
جريت على أكبر دولاب
عملت دماغ ودتني هناك
واللي زاد واللي غطا إتلطيت في الدنيا لطة
القطر فات وأنا في المحطة وكل يوم تتعاد اللقطة
السكر حراق وشطة والدماغ طلعت أونطة
واللي يغويك يتحكم فيك والغلطة بتجيب غلطان
يا أبيض يا إسود قصة حياتي وكل حكاياتي
مع إني عادي عادي عايشها في النص رمادي
يا أبيض يا إسود قصة حياتي وكل حكاياتي
مع إني عادي عادي عايشها في النص رمادي