كلمات اغنية تتر نسل الاغراب - تامر حسني 2021
من صلب بعض على الورق وفروعنا من طريقين
والود فى قلوبنا انحرق عدى السلف والدين
صدق الى قال ان الزمن لو تأمنه ينهيك
نسلك يا ادم من زمن فيه الخسيس والزين
دبحوا الاصول لاجل الوصول دول كدابين ذفة
كتر السواد وعمى العباد خلى القلوب جفة
عجبى على الى عماه غروره عايش سنين خراب
اغراب ومن نبت التراب فى ميزان ملوش كفة
قصة قابيل عدها الخلف صبحوا القلوب اغراب
ضل الشموس جوا النفوس عتمة سواد وسراب
عجبى على النسل الى عاش يحصد فى زرع الغير
وبدمه داق نهب البشر عنده الجشع غلاب
مركب وشايلة دنس البشر عايمة بشراع مكسور
والخلق من شر العمل بيعلوا سور وجسور
ارض السلام نزفت حروب يا مخالف الفطرة
الشر ليه في روحك بحور والحب بالقطرة
حكم الغراب نشن وصاب واتصاب الوف بأذاه
طبع الطمع صوته اتسمع اصل النفوس شارباه
