; تحميل قصيدة جوابي الأخير - عمرو حسن MP3 | مطبعه دوت كوم تحميل قصيدة جوابي الأخير - عمرو حسن MP3 | مطبعه دوت كوم
2348
استماع الان
1661
3565
قصيدة جوابي الأخير - عمرو حسن
استماع لاحقا

كلمات الاغنية

كلمات قصيدة جوابي الأخير - عمرو حسن 2016

جوابــــي دا الاخيــــر …
جوابــــي دا الاخيــــر ليكــــي .. يامعاليــكي ..
ياســت الحسن .. ياسبب الحزن والعلة ..
ياشجرة حسبــتها ضـــله وطلعت نار ..
مســـــــأء الــــخير علي الازهار علي خــــــدودك
مبنجرحش .. ومبنسمعش حد بيقول كلام عنك
لذلـــــــــك .. ثم امٌا بعــــد
انا الطفل اللي كان فعنيكي متشعبط
يشوفك روحة تتلغبط ..
وقلبة ابن الحرام يضعف ويستعبط
كأنك زار وانا الدرويش ..
كانك غار وانا الحرفيش
كأنك كنتي قرش حشيش دخل رئتيني وملاني
كانك دار وانا مليش غير الدار اللي لماني
بغض الجرح مين خان مين ؟ ومين قصر مع التاني ؟
وغض الطرف عن اسمك وطعم خروجة فـ لساني

انا مليت من القصه ..
ومن لعبت خلاص لسة
لقيتك غيمة فـ حياتي حسبت مطرة قمت جريت
فجأة لقيت مفيش غير ليل ..
سحاب الضلمة كنتي انتي
بشوفك فـ الوجع بنتي ..
وأحسك ارضي وسفنتي
وشمس بتملي ليلــــــــي شــــــــ روق
مفيش كام يوم لقتني بفـــوق ..
واشوف القاتل الفعلي
لاقيتك ارض مضمش سوا المطريض
واانا عيل بيفت ايد يشوف خطك علي كفو
عنيا عيال إذا بصيتي يدفو ..
حسبتك أم بدور راحة أحضان علي عيلها ..
لاقيتك ماسكة كاتم صوت رصاصك فات وجع جوايا
وهو ياحلوة يعني المـــوت بيفرق شكلة كــان إزاي

وهـــــــــــــواااا الجـــرح للـــــــستات ومــــــش لــــــــــينا ؟؟ !!!
مافي رجاله بتعيط وفي رجاله بتفكر فـ عز الليل فـ ناس باعو
وفي راجــل إذا فات فـ المحيط وجعوا مبيساعوا
وفي بكرة بيتشخبط في عناوين بتتلغبط
وفي اطفالي ميتولدوش فـ مستقبل مجاش قدام
وفي زفة مبتقمش ..
في فرحة مبدومش
وفي نغزة فـ صميم الروح
مدام فـ القصة في دابح ..
أكيد فـ القصة في مدبوح
ولو كان القتيل راجل ..
فدمو يبقي مش بالسهل
خسرتي معاة وجود الأهل ..
خسرتي الحضن واللمة
خسرتي الضهر والضمة ..
وبكرة هتندمي لما تحسي البرد من دونة

ياريتك شوفتي فـ عيونة حــــنان الاب
انا الشخص اللي كلو عيوب ..
لكن مليان حاجات تتحب
عملت حاجات ..
عملت حاجـــات لاول مرة بعملها
كملت أغنيات بيكي لأول مرة أكملها
بشمك ريحة وانا ماشي وبقول ماشي ..
وأكلم ربنا عنك وجع وغروب ..
عكستي المشهــد المكتوب
مكنش الفلم دي نهايتو ..
كدا الكاتب لعب فـ النص
وفي لزق فـ حياتي وقص
وفي تركيب لناس تانية ..
في مشهد خارجي مش محطوط
انا وانتـــي مطرة بتغسل الشارع من الأحزان
حضنتيني زمان ومكان ..
وقولتيلي مفيش غيرك
نزلت فلحظة علي ركبي وانا فـ ايديا كام وردة
ضحكتيلي طبطبتيلي علي خدي ..
كانك كنتي بتعدي علي قلبي بروح حافية
مسكت الدمعة من عيني بالعافية .. ضميتك فـ عز البرد
لاقتي الفيلم بالكامل مفيش ولا لقطة ماسك ورد
طلعت في حاجات بتتصور وتتقصقص من المنتاج
وأول مـا المطر لمــسك لاقـــيتك دوبتي فـ المكيااج
عروسة حلاوة أول صورة ملامح فاظة مكسورة

فـ اخر جزء فـ الذكري .. خسارة تكملي بكرة
يانور ساطع بيعمي العين مبينورش ..
انا هفضل كدا عيل ومبكبرش
وبكرة يجوز تقبليني فـ أي مكان ..
هشوفك وقتها دخان
بقوة ست هعشقها فـ زمان تاني ..
ولمسة طفل يشبهني ميشبهكيش
انا جوايا كام ميت .. وحابب أعيش
لهتحول ولا هرجع من الأول .. ولا هكتب علشانك شعر
هبيعك دون نظر للسعر ..
مكانك وردة مسقتهاش .. ف
دبلت من خريف موجوع
دموعي رصيد بحوش فيه لــــناس مستهلة مني دموع
وحلمـــي معــــاكي من الاول خطـــيئة لابد أكفرها
رميتك طفـــل ببرائتة وندم علي حاجة وكسرها
يا أوحش حلو كان فيا …
يا أطيب شر فـ النية
كسبت حاجات تسئ ليا ..
وجةة الوقت ان انا اخسرها
كسبت حاجات تسئ ليا ..
وجةة الوقت ان انا اخسرها

اغاني عمرو حسن

استماع الكل

الاغاني الاكثر استماعا من نفس السنة

الاغاني الاكثر تحميلا من نفس السنة


جميع الحقوق محفوظة لاصحابها والموقع غير مسئول عن انتهاك الحقوق الملكيه الفكريه .. اذا كنت صاحب العمل الفني واردت الابلاغ عن سرقة حقوق ملكيته للتاليف والنشر يسعدنا استقبال البلاغ علي الرابط .. وعند الحصول علي ما يثبت حقوق ملكيتك سيتم حذف العمل فورا ونضمن لك عدم اضافته علي موقعنا مرة اخري ..
controls_next
controls_toggle
controls_prev
0:00

0:00

player_volume
player_loop
player_shuffle