كلمات اغنية بعد ما اغيب - رامي جمال 2020
مش دلوقت بس أكيد هيجيلك وقت
وهتتمنى لو اللى ما بينا مَضيعتُوش
مش دلوقت بس افتكر أنت اللى بدأت
واللى بيبدأ الأيام مَبترحمهُوش
أنا بعد ماأغيب هتفوق ع الدنيا دى لوحدك وبطولك بس
أنا بعد ماأغيب هتعيش زى الناس العايشة بالاسم وبس
على ناس تشبهلى وعلى صُدفة
على ريحة يوم من أيامى
هتدور بعد ما أروح منك على أحلى مافِيك
هتخاف تطمِن من غيرى
طول ما أنت بعيد مش قدامى
هتحس بروحك مش عارف تتلم عليك
شوفلك حضن من دلوقتى يساع الحزن
والإحساس بالذنب اللى أنت متعرفهوش
شوفلك حضن تجرى عليه ساعة ماتحن
حضنى حلفت عليك من يومها متدخلهوش
