كلمات اغنية تمثيلية - محمود العسيلي 2019
تمثيلية وسيناريو قديم محفوظ
وبطل مهزوم مهزوز وسنين في حياته تفوت
تمثيلية بنعيشها بقالنا سنين
قدام الناس عاملين عايشين واحنا بنموت
بنمثل وبنكدب على مين
بنقاسي وشاغلنا الناس التانين
مخرج ديكورات كدرات
والبطل اللي بيعمل قال عايش دلوقتي أهو مات
خلصت الدور عشت الشخصية وعجبت الجمهور
وخلاص نزلي أسامينا بقى في التترات
أنا عايز أعيش وكفاية أستنى في سعادة ما بتجيش
ساعات في نهاية حزينة عكس البدايات
انا وانتي رسمة فنان كداب
متسابة كتير في تراب
وعشان أهملها سنين
النهاردة مافيناش لا حياة ولا روح
تفاصيلنا دموع وجروح
وأكيد في دي متفقين
دي حياتنا انا وانتي تليفون
وشوية وهيفصل والشاحن مركون
محطوط في مكان مجهول
ضاع مني او منك مش فارقة مين المسؤول
خلصت الدور عشت الشخصية وعجبت الجمهور
وخلاص نزلي أسامينا بقى في التترات
أنا عايز أعيش وكفاية أستنى في سعادة ما بتجيش
ساعات في نهاية حزينة عكس البدايات
