كلمات اغنية صاحبة عمري - أمال ماهر 2023
Amal Maher - Sahbet Omri
عندي صاحبة فالزمن ده صعب تلقي منها
دي اللي واقفة جنبي سانده وعالسر تآمنها
لو زعلت حاسه بيا قبل حتي ما احكي
وفثواني تيجي ليا تجيب معاها ضحكي
صاحبة عمري وجنبي تملي
صافي القلب ومش بتشيلّي
اطلبها فثانيه بتنزلي
وبتعملّي اللي يفرحني
المشكله قبل ماتوصلّي
بتخلصها وتيجي تقولي
حتي اما أغلط بتطبلي
ومابيني وبينها بتنصحني
__
دي عايشه طول حياتي
تدوس عاللي مضايقني
وبدعي طول حياتي
يارب ماتفارقني
__
عندي صاحبه ماسكة فيا مهما بِعدو عني
كله يمشي بس هي فقلبي وحته مني
لو فوسط ناس بلاقي المكان ناقصها
عُمر حد ف الغلاوة عندي ماينافسها
كم حدوته وكم سفرية
وخروجة ولف ب عربية
نزعل نفرح في اغنيه
بالايام دي بتفكرنا
صاحبة عمري وأمي وبنتي
بتعليني وحاسه بقيمتي
وهتفضل روحي وأنتيمتي
ولا في ايام هتغيرنا
