كلمات اغنية من جوايا - ناي البرغوثي 2022
من جُوّايا
أنا مِش حاسّة ان انتَ معايا
وخلاص صعب ان أنا اتحمّل تاني … تعبت كفاية
أنا مش لعبة جايبها لوقتك
تضبتها على ضبطة ساعتك
ترميها وتنساها براحتك
تِرْجعلها لما انتا تحب
مش صِلصال بتشكِّل فيه
لحمي ودمّي بتيجي عليه
الإحساس بالظلم ده ليه
ده انا إنسانة بروح وبقلب
صعب تاني أفْضَل معاك
الحياة جنبك هلاك
همشي وتعيش عمْر تندم
علّي تتمنّى رضاك
لو كرامتي شايفها عيبي
مستحيل تفضل حبيبي
إنت عايز واحدة كاملة
روح ودوَّر عالملاك
أنا ملّيت وكرهت طريقتك
بتحسّسني إن انا من حاجتك
مخلوقه وعايشة لسعادتك
ده انا من حيرتي نسيت أنا مين
زي الصورة وزي الرسمة
يعني مَليش فى حياتك لازمة
بتودّيني تجيبني بكلمة
ولا بسأل هنروح على فين
صعب تاني أفضل معاك
الحياة جنبك هلاك
همشي وتعيش عُمْر تندم
علّي تتمنّى رضاك
لو كرامتي شايفها عيبي
مستحيل تفضل حبيبي
إنتا عايز واحدة كاملة
روح ودوَّر عالملاك
من جُوّايا
أنا مِش حاسّة ان انتَ معايا
وخلاص صعب ان أنا اتحمّل تاني … تعبت كفاية
